Dream Academy

موږ د استعدادونو قدر او ستاېنه کوو!❤️nد ډریم اکاډمي انګړ د زده کوونکو یوه بېله نړۍ ده!

ډریم ویکلي!nد نورو اکاډمیکو فعالیتونو ترڅنګ ډریم اکاډمي د زده کوونکو اوونیزه خپروي، چې هره اونۍ به مختلف موضوعات پکې خپرېږي!nnډریم اکاډمي سره متفاوت واوسئ!

همدا یې وخت دی، چې زموږ له غوره سېسټم سره د کمپیوټر په برخه کې متفاوتې زده کړې وکړئ!

د ويناوالۍ کلاسونه چې راتلونکې شنبه پېلېږي، لا هم پکې د لسو تنو لپاره ځای لرو!nهغوې چې غواړي ګډون پکې وکړي، کولای شي نن او سبا د ثبت نام لپاره راشي!

خبرتيا!nفکري رغون علمي ګروپ د خپلو علمي او روزنيزو برنامو په تعقيب، راتلونکې (پنجشنبه ۲۰۲۲/۰۲/۲۴) ماسپښين څلور بجې د ډريم آکاډمي په همکارۍ سره په (په خپله ورځ څنګه واکمن شو؟) موضوع باندې سېمینار وړاندې کوي!nnتاسو ټولو قدرمنو ته بلنه درکوو چې په ياده علمي برنامه کې ګډون وکړئ او د بريالي ژوند له اړينو‌ لارښوونو ګټه واخلئ!nnادرس: چشمه خانجي عمومي سړک، تسليمه کاکړ روغتون ته څېرمه، د الکټرونیکي تذکرو دفتر ته مخامخ، ډريم آکاډمي، جلال آباد!nnکه چېرې تاسو غواړئ چې فکري رغون علمي ګروپ ستاسو په ښوونيز مرکز کې ورکشاپ وړاندې کړي، نو زموږ سره اړیکه ونیسئ!nnدرنښتnفکري رغون علمي ګروپ

هغوې چې واقعاً هیلې لري، د لاسته راوړلو لپاره یې کار کوي!nStudents & Dream

“که نوره ګټه غواړئ، یو نوی جنګ شروع کړئ!”nnکوچنی اکرام جان د وېناوالۍ د کلاس د ثبت نام لپاره راغلی وه، په خپله خوږه ژبه یې یو لنډ شعر تاسو ته راوړی!nاکرام جان ته د ډریم اکاډمي د ادارې له لورې په ټولو برخو کې سل سلنه سکالرشېپ د ډالۍ په ډول ورکول شو.

ستاېنغونډهnد دلوې د میاشتې ۲۸ تاریخnnپرون پنجشنبه ماسپښین دوه بجې د ډریم اکاډمي په انګړ کې د زده کوونکو ستاېنغونډه ترسره شوه، چې پېل یې د قران کریم د مبارکو آېتونو په تلاوت سره وشو، بیا د ډریم اکاډمي رئیس ښاغلي سباوون دُراني زده کوونکو او ګډونوالو ته د ښه راغلاست او مننې ترڅنګ د یو نوي راتلونکي او لویې هیلې په اړه چې د افغانستان عظمت او پرمختګ یې هدف وه وېنا وکړه، بیا د مثبت بدلون ټولنې مشر ښاغلي عبدالبصیر سباوون د ځوانانو د مسئولیت او ويښتیا په هکله خپله آغېزمنه وېنا وړاندې، د ډریم اکاډمي له اداري پرسونل څخه یې مننه او د ښاغلي دُراني فکري فعالیتونه یې وستایل. د برنامې درېم وېناوال د لوی سېد جماالدین افغان د طبي علومو انسټېټيوټ علمي معاون ښاغلی نصرت الله وصال وه، نوموړي د ډریم اکاډمي فعالیتونه وستایل او هیله یې وښوده چې په ګډ کار سره به د هېواد غوره راتلونکی تضمینوي. د برنامې په دوهمه برخه کې زده کوونکو خپلې وېناوې وړاندې کړې، غوره زده کوونکي د ادارې له لورې وستایل شول او د سکالرشیپ نتایج اعلان شول چې ممتازو بریالیو ته د ډریم اکاډمي د ادارې له لورې ډالۍ ورکړل شوې.nد پروګرام وروستۍ برخه د ویاړلو څهرو په ژوند د ستاېنې وه، چې پکې ښاغلی عبدالبصیر سباوون د ننګرهار ولس ته په کړي خدمت، د ننګرهار لېسې قدرمن معاون صېب مرید احمد او د فرهنګي کمېټې مشر ښاغلی رحماني د ننګرهار لېسې په فوق العاده ډول د غوره ساتلو، او د لوی سېد جماالدین افغان د طبي علومو انسټېټیوټ علمي معاون د کړي فکري خدمت له امله د ډریم اکاډمي د ادارې له لوري په ځانګړي ستاېنلیک وستایل شو. په پای کې ټولو په ګډه د غوره او شعوري افغانستان د رامنځته کولو وعده وکړه او د دعا په وېلو یې غونډه پای ته ورسوله.nnډریم اکاډمي د غوره افغانستان لپاره کار کوي!

د DEL سکالرشپ امتحان نتايج!nد ډريم آکاډمي لخوا د دلوې په دوه ویشتم تاریخ د اخيستل شوي امتحان نتايج چې پرون پنجشنبه ماسپښين دوه بجې د ډريم آکاډمي په انګړ کې په حضوري ډول اعلان شوي د ځينو زده کوونکو د نشتون او د هېوادوالو د ډاډ په خاطر دلته خپروو.nnهغه زده کوونکي چې A درجه یې ترلاسه کړې د ډريم آکاډمي په DEL کې ورته سل سلنه وړيا سکالرشپ، هغه زده کوونکي چې B درجه یې ترلاسه کړې اویا سلنه وړيا سکالرشپ، هغه زده کوونکي چې C درجه یې ترلاسه کړې پنځوس سلنه وړيا سکالرشپ ورکول کېږي او هغه زده کوونکي چې لدې ښکته يعنې D درجه یې ترلاسه کړې په Pre-DEL کې ورته پنځوس سلنه وړيا سکالرشپ ورکول کېږي!nnدرنو ملګرو دغه نتايج درسره شيئر کړئ، تر څو هغه زده کوونکي چې بريالي شوي، خبر او په خپل لياقت د ګټلي فرصت څخه ګټه واخلي!nn⭐⭐⭐⭐⭐nDream it, do it, achieve it!